په ترکیې کې د قرآني سیالیو فاینل ته د ایران دوو استازو لار پیدا کړه
ایکنا - یوسف جعفرزاده او محمد لائینی به د ایران د اسلامي جمهوریت د استازو په توګه د ترکیې د قرآن نړیوالو سیالیو لسم پړاو فاینل سیالیو کې ګډون وکړي.
د ایکنا د راپور له مخې، د دغو سیالیو مقدماتي پړاو په مجازي بڼه ترسره شو. یوسف جعفرزاده د تحقیق قرائت په برخه کې او محمد لائینی د ټول قرآن د حفظ په برخه کې بریالي شول او فاینل پړاو ته یې لار وموندله.
یوسف جعفرزاده د هرمزګان ولایت او محمد لائینی د مازندران ولایت څخه دي، چې دواړه د اوقافو ادارې د قرآن د ۴۸ عمومی سیالیو له لارې د ترکیې د قرآنی سیالیو لپاره د ایران د دوو فاینلسټانو په توګه معرفي شوي وو.
د ترکیې د قرآن نړیوالو سیالیو د لسم پړاو فاینل به د راتلونکي کال د ثور میاشتې له ۲ تر ۱۰ پورې ترسره شي. که څه هم د سیالیو د ترسره کېدو ښار (انقره یا استانبول) لا نه دی مشخص شوی، خو د پاي مراسم او د ګټونکو ستاینه به د ولسمشرۍ په ماڼۍ کې ترسره شي.
https://iqna.ir/fa/news/4336741
